نقاط وانتقادات مهمة ...!! للرقي بالمنتدى

السلام عليكم ورحمة الله وبركاتهـ ،،

اهلا بالجميع .. إن شاء الله اموركم تمام ...

عندي مجموعة نقاط نقاط وإنتقادات نبي نقولهم ...

اولا لازم لما تبدا القراية رسمي ان انديرو حملة تنظيف للكلية من حيث النظافة

ومن حيث تصفية بعض الطلبة والاساتذة اللي تابعين للنظام البائس ...وما نقصدش الطلبة والاساتذة الي كانو مؤيدين وما دارو شي .. نحكي عاللي كانو تابعين للجان الثورية وملطخة ايديهم بالدم أو انهم بلغوا عن ناس وشردو اهلهم ....

ونقطة ثانية ومهمة اللي هيا ::- احني لازم نتدخلوا ونحاول بقدر الامكان اقناع الالكل بإن الدراسة لازم تتأجل ... لإن من العيب احني نكون مستريحين ونقروا ومازال في جبهات قتال في بعض المدن وفي ناس تموت كل يوم .... فـ لازم علينا ان نديرو اعتصام وما نقروش لحد ما يتحرر كل تراب ليبيا الغالي ...

ونبدا في الانتقادات للمنتدى توا :-

ليش ما يكونش في منتدى رئيسي للكلية ويكون منتدى مدفوع مش زي هذا مجاني ونقدرو انسقوا مع بعض ونشتركو ونديرو منتدى احسن بش يكون في اقبال من الاعضاء والطلبة ونقدرو نستفيدو اكثر ... اني هذا من راي فياريت تشاركوني وتقولو ارائكم ..

والانتقاد الثاني :: المنتدى مازال يبي هلبا تعديلات ... مثلا لازم تتنحى الايقونات متاع العلم الاخضر ولازم تتغير صورة قسم الكورة اللي رايح يشعشع بالاخضر من بعيد وينحط مكانه علم استقلال ولازم في هلبا حاجات تبي تغير يا ريت من ادارة المنتدى يديرو هذه التعديلات في اقرب وقت

وفي هلبا حاجات نبي نقولها ... غير خللي نكملو اول بأول .... لازم نهتمو شوية بالمنتدى

ننتظر في ردودكم ...

في أمان اللهـ ...!!